Ötən gündən yağmağa başlayan qar nəticəsində Gədəbəy rayonunun bir çox ərazilərində yollar buz bağlayıb. Nəqliyyatın hərəkətində yaranan çətinlikləri aradan qaldırmaq üçün RPŞ-nin Dövlət Yol Polisi Bölməsinin əməkdaşları tədbirlər həyata keçiriblər. “Azəravtoyol” Açıq Səhmdar Cəmiyyətinin 32 saylı Yol İstismar İdarəsinin əməkdaşları tərəfindən yollara qum-duz qarışığı səpilib. Hazırda qərb bölgəsində qeyri-sabit hava şəraiti davam edir.