Baş nazir Əli Əsədov kənd təsərrüfatı torpaqlarında tikinti ilə bağlı yeni qaydalar təsdiqləyib. Qaydaya görə, sahəsi ən azı 5 hektar olan torpaqların yalnız 1 faizində tikinti aparmaq mümkündür. Bu tikililər kənd təsərrüfatı məhsullarının istehsalı, emalı və işçilərin müvəqqəti yaşayışı üçün nəzərdə tutulur. Əgər torpaq bölünüb başqa şəxsin istifadəsinə verilərsə və sahə 5 hektardan az olarsa, orada tikinti aparmaq qadağandır.