İtkin düşmüş şəxslərlə bağlı beynəlxalq konfrans iştirakçılarının Ağdərənin Ballıqaya kəndi ərazisində əvvəllər döyüş mövqeyi olmuş yüksəklikdə 10-dan artıq Azərbaycan hərbçisinə aid olması ehtimal edilən meyit qalıqlarının aşkarlandığı kütləvi məzarlığa səfəri başlayıb. Qonaqlar səfər çərçivəsində Şuşada vaxtilə azərbaycanlı əsir-girovların saxlandıqları və dəhşətli işgəncələrə məruz qaldıqları Şuşa həbsxanası ilə yaxından tanış olduqdan sonra Cəbrayıl və Zəngilana  gedəcəklər.