Daxili İşlər Nazirliyi qanunsuz odlu silahların saxlanılmasının cəmiyyət üçün ciddi təhlükə yaratdığını bildirir və vətəndaşları silahları könüllü olaraq polisə təhvil verməyə çağırır. 2025-ci ilin 9 ayı ərzində polis tərəfindən 4 181 ədəd odlu silah aşkar olunub, bunun 3 536-sı vətəndaşlar tərəfindən könüllü təhvil verilib. Nazirlik xatırladır ki, könüllü təqdim olunan silah üçün vətəndaşlar heç bir məsuliyyət daşımır və bu həm özlərini, həm də ailələrini təhlükədən qorumağa imkan yaradır.