Rusiya Prezidenti Vladimir Putin oktyabrın 24-də Azərbaycan Prezidenti İlham Əliyevə zəng edib. Liderlər Düşənbədəki görüşün davamı olaraq ikitərəfli əlaqələrin aktual məsələlərini müzakirə ediblər. Tərəflər iqtisadi, enerji və nəqliyyat-logistika sahələrində əməkdaşlığın genişləndirilməsində maraqlı olduqlarını bildiriblər. Telefon söhbətində həmçinin regional əməkdaşlıq və beynəlxalq vəziyyətə dair fikir mübadiləsi aparılıb, təmasların davam etdirilməsi barədə razılıq əldə olunub.