Sumqayıtda "Mercedes" markalı minik avtomobilinin idarəetmədən çıxaraq divara çırpılması nəticəsində 6 yeniyetmə müxtəlif dərəcəli xəsarətlər alıb. Yaralılar xəstəxanaya hospitalizasiya olunub.Onlardan 3 nəfərin vəziyyəti orta ağır, 3 nəfərin vəziyyəti isə sabitdir.

Abşeronda yolu keçmək istəyən 12 yaşlı Əzizə Məmmədlini avtomobil vurub. Piyada hadisə yerində həyatını itirib.

Zərdabda isə "VAZ-21099" və "Land Rover" markalı minik avtomobilləri toqquşub."VAZ-21099"un sürücüsü Azər Abdullayev aldığı xəsarətlərdən ölüb.

Ələt-Astara magistral yolunun Salyanın Yenikənd kəndindən keçən hissəsində Bakı sakini, 46 yaşlı Xədicə Sadıqovanın idarə etdiyi "Changan", "KİA" ilə toqquşub. Qəza nəticəsində "Changan"ın sürücüsü,  digər avtomobildə olan - Salyan sakinləri 27 yaşlı Babək Alxanov, 34 yaşlı Şamxal Mayılov, 39 yaşlı  Saməddin Bayramov və Mahir Bayramov müxtəlif dərəcəli xəsarətlər alıblar. Yaralılar  xəstəxanaya çatdırılıblar.

Sabirabadda isə dörd minik avtomobilin iştirakı ilə baş verən yol-nəqliyyat hadisəsi zamanı 29 yaşlı Aqşin Zeynallı, 31 yaşlı Şəlalə Yedigarova və həmyaşıdı Aqşin Xəlilli müxtəlif dərəcəli bədən xəsarətləri alıblar. Yaralılar xəstəxanasına yerləşdiriliblər.
Faktlarla bağlı araşdırmalar aparılır.