Qərbi Azərbaycanda 740 müsəlman qəbiristanlığının koordinatları müəyyən edilib.Bu barədə Qərbi Azərbaycan İcmasının rəhbəri Əziz Ələkbərli Qafqaz Müsəlmanları İdarəsində keçirilən tədbirdə bildirib.Bir çox müsəlman qəbiristanlığı məhv edilməkdədir, bəzilərinin üzərində erməni qəbiristanlıqları salınıb. Bu faktların dünya ictimaiyyətinə çatdırılmasının vacibliyi vurğulanıb.Tarixən Qərbi Azərbaycan ərazilərində dini həyat güclü olub. İrəvan şəhərində vaxtilə çoxsaylı məscidlər mövcud olsa da, onların əksəriyyəti bu gün tamamilə yox edilib. Ümumilikdə bölgədə 500-dən artıq məscidin olduğu, təxminən 300-dən isə heç bir izin qalmadığı bildirilib.