Azərbaycan Xarici İşlər Nazirliyi Xocalı soyqırımının 34-cü ildönümü ilə bağlı bəyanat yayaraq bildirib ki, 1992-ci il fevralın 25-dən 26-na keçən gecə Ermənistan silahlı qüvvələri keçmiş SSRİ-nin 366-cı motoatıcı alayının köməyi ilə Xocalıda 613 nəfəri xüsusi amansızlıqla qətlə yetirib, 1275 nəfər əsir götürülüb.XİN hadisəni Ermənistanın Azərbaycana qarşı həyata keçirdiyi işğal siyasətinin ən qanlı faciəsi və insanlıq əleyhinə cinayət kimi qiymətləndirib.Bəyanatda vurğulanıb ki, Xocalı soyqırımı beynəlxalq hüququn kobud şəkildə pozulmasıdır və bu cinayət dünya tərəfindən hüquqi-siyasi qiymətini almalıdır.Nazirlik faciə qurbanlarının xatirəsini dərin ehtiramla yad edib.