Dövlət İmtahan Mərkəzi iyulun 5-də II və III ixtisas qrupları üzrə ali məktəblərə qəbul imtahanı keçirəcək.İmtahanlar Gəncə də daxil olmaqla ölkənin 25 şəhər və rayonunda təşkil olunacaq. Ümumilikdə 41 min 622 abituriyentin iştirakı gözlənilir. İmtahan saat 10:00-da başlayacaq.Sağlamlıq imkanları məhdud 67 abituriyent üçün xüsusi zallar və fərdi dəstək tədbirləri də təmin edilib.