Gəncədə qəsəbələr dezinfeksiya olunur
Karantin rejiminə uyğun olaraq Gəncədə dezinfeksiya işləri davam etdirilir. Bu dəfə virus əlehinə tədbirlər şəhərin qəsəbələrində genişmiqyaslı şəkildə təşkil edilib. Dezinfeksiya işlərinə Gəncə şəhər Mənzil Komunal Təsərrüfat İstehsalat Birliyinin 50-ə yaxın canlı qüvvəsi cəlb edilib. Qəsəbələrin ərazilərində koronavirus infeksiyasının yayılmasının qarşısını almaq məqsdi daşıyan işlərdə xloramin məhlulundan istifadə olunub. Qəsəbələrin daxili yolları, sakinlərin gediş-gəlişləri üçün hərəkət zolaqları, qapıların qarşısı xüsusi çiləyici aparatlarla dərmanlanıb. Dizinfeksiya işləri paralel olaraq şəhərin 5 qəsəbəsində aparılıb. Bu işlər mütamadi olaraq davam etdirilir. Qəsəbələrin dezinfeksiya işləri başa çatdıqdan sonra çoxmərtəbəli yaşayış binalarında təkrar dizinfeksiya aparılacaq.
- Baxış: 895
