Artıq bir neçə gündür ölkədə, eləcə də qərb bölgəsində müşahidə olunan qarlı-şaxtalı hava şəraiti müəyyən çətinliklərə səbəb olub. Qərb bölgəsinin dağ rayonlarında, Şəmkir-Gədəbəy yolunun Yasamal aşırımında, Şəmkir-Yeni Göyçə, Şəmkir-Düyərli-Zəyəm-Tatarlı avtomobil yolunda nəqliyyat vasitələrinin hərəkətində çətinliklər yaşanıb. Gecə saatlarından başlayaraq yol təsərüfatı işçiləri növbəçilik əsasında gücləndirilmiş rejimdə çalışırlar. Sərt dolaylarda qabaqlayıcı tədbirlər davam etdirilir. Yollara qum-duz qarışı səpilir. Ucqar bölgələrdə elektrik və qaz təsərrüfatlarında yaranan xırda fəsadlar da dərhal aradan qaldırılıb.